លោក ងួន ប៊ុណ្ណាន ចុះជួបសំណេះសំណាល និងសួរសុខទុក្ខប្រជាពលរដ្ឋ នៅក្នុងសង្កាត់អូរឫស្សីទី១
06-November-2015 | ដោយ មួយឡា
ភ្នំពេញ៖ ថ្នាក់ដឹកនាំតែងតែយកចិត្តទុកដាក់ចំពោះបងប្អូនប្រជាពលរដ្ឋដែលមានទុក្ខលំបាក។ នៅល្ងាចថ្ងៃទី ០៥ ខែ វិច្ឆិកា ឆ្នាំ ២០១៥ មានពិធីចុះជួបសំណេះសំណាល និងសួរសុខទុក្ខប្រជាពលរដ្ឋក្រីក្រចំនួន១០គ្រួសារ នៅក្នុងសង្កាត់អូរឫស្សីទី១ ខណ្ឌ៧មករា រាជធានីភ្នំពេញ។
ពិធីនេះប្រព្រឹត្តទៅក្រោមការដឹកនាំរបស់ លោក ងួន ប៊ុណ្ណាន នាយករដ្ឋបាលខណ្ឌ៧មករា និងជាអនុប្រធានសហភាពសហព័ន្ធយុវជនកម្ពុជាខណ្ឌ ៧មករា តំណាងលោក លីម សុភា អភិបាល នៃគណៈអភិបាលខណ្ឌ និងជាប្រធានសហភាពសហព័ន្ធយុវជនកម្ពុជាខណ្ឌ ៧មករា។
ឆ្លៀតក្នុងឱកាសសំណេះសំណាល និងសួរសុខទុក្ខប្រជាពលរដ្ឋនេះ លោក ងួន ប៊ុណ្ណាន ក៏បាននាំយកអំណោយដ៏ថ្លៃថ្លារបស់ឯកឧត្តម សាយ សំអាល់ ប្រធានសហភាពសហព័ន្ធយុវជនកម្ពុជារាជធានីភ្នំពេញ មកធ្វើការចែកជូនប្រជាពលរដ្ឋទាំង១០គ្រួសារនេះផងដែរ។
អំណោយដែលបានយកមកធ្វើការចែកជូនក្នុងគ្រួសារនីមួយទទួលបានដូចជា៖ អង្ករចំនួន ២៥គីឡូក្រាម មីចំនួន ១កេស ត្រីខចំនួន ៥កំប៉ុង ទឹកដោះគោចំនួន ២កំប៉ុង និងទឹកត្រីចំនួន ១ដប។
ជាចុងក្រោយ គ្រួសារទាំងអស់បានថ្លែងអំណរគុណចំពោះ ឯកឧត្តម សាយ សំអាល់ និងលោក ងួន ប៊ុណ្ណាន ដែលតែងតែយកចិត្តទុកដាក់ចំពោះបងប្អូនប្រជាពលរដ្ឋ ដែលមានជីវភាពក្រលំបាក និងសូមជូនពរឲ្យលោកជូបតែសេចក្ដីសុខ សុភមង្គលក្នុងក្រុមគ្រួសារ៕
ប្រភព៖ ទំព័រសាលាខណ្ឌ៧មករា
ចំនួនអ្នកទស្សនា
- ថ្ងៃនេះ1001
- ម្សិលមិញ12561
- សប្តាហ៍នេះ28951
- ខែនេះ50831
- ឆ្នាំនេះ50831
- សរុប20493287